صعيدى اتجوز نانسى عجرم ورجع بيها البلد
فمراته ألثانيه زعلت قوى وقعد يراضى فيها ويقلها:
انت يوم وهى يوم، تقوله لا.
طيب، انت يومين وهى يوم، تقوله لا.
طيب، انت ثلاثة ايام وهى يوم، تقوله لا.
قالها: ومال يرضيك ايه ؟
قالتلة: انت يوم وانا يوم!!
*
مرة واحد مذيع راح يطلع بطاقه شخصيه ساله المظف عندك كام سنة قال له : 23 سنة و عشرة شهور و خمس دقائق حسب التوقيت المحلى لمدينة القاهرة
*
واحد بلدياتنا ساق العبط دخل فى الحيطه .
*
مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .... في سجارتين
*
مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا... عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب
*
واحد بيقوللي : الحمد لله خدت أسبوع أجازه ,روحت رديت عليه : أجازه ولا بنزينه , زينه ولا فلورا , ورق لورا إلي بيتحط عالأكل , أكل وسرقه وإغتصاب كلها جرايم , لبن رايم , لبن يعني ميلك , ميلك ولا إيجار , إيجار ولا إيميل , ميل ونهار , هار ولا برد ,برد في الم...فاصل , فاصل ونواصل , صباحو فطير مشلتت بالجبنه الأديمه
*
مسطول سالوه عن رايه فى التعليم فقال
العلم نور والجهل مهند والمدرسة سنوات الضياع والنجاح الحلم الضائع
*
عكس كونكريت ؟ لا تكون كريت
*
ليه القوطة حمرا ومدورة ؟ عشان لو خضرة طولية هتبقى خيار
*
واحدة ست عند جارتها .... قالولها إقعدي تتعشي عندنا ....قالت لأ مش
هينفع عشان بناتي عاملين رجيم وعايزة أدوقه
*
واحد داست عليه عربية سيات مات م الضحك
*
واحد عصبي اتجوز واحده عصبيه, يوم الولاده... الولد بيقول للدكتور وسع إنت ..
إوعى إيدك ...أنا هأنزل لوحدي
*
مرة واحد خبتطه عربيه دوجن مات شاهين
*
ليه الثلاجة غبية ؟ علشان بتحفظ الاكل متفهموش
*
مرة واحد اتزنق في قرشين فعصوه
*
إيه الفرق بين العربيه التويوتا والميت؟؟
التويوتا يارس
الميت لا يرث
*
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
*
مرة واحد ماشي فحاله طلعوا عليه بلطجية قالوا له معانا ولا مع التانيين قالهم معاكم طبعا قالوا له احنا التانيين طااااااخ
*
واحد صعيدي بيدهن الحيطة ...
قالوله حط جرنال تحتيك ..
قالهم لأ أنا كده طايل كويس
*
واحد راح يعزى رجع من العزا, مراته بتقوله عزيت؟؟ قالها لأ ع السمنة
*
مدرس سأل طالب بلدياتنا، لما تكبر هاتكون إيه؟ قاله: عجوز طبعا!!
*
بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
*
بلدينا بيفتح الثلاجة على مهله وببطء شديد ليه؟
عشان يكتشف مين بيفتح النور
*
بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي الشعراوي؟
قال له: يا أهبل ... ده مجرد تشابه أسماء
*
واحد بلدينا اتهموه بالذكاء ... طلع براءة
*
واحد بلدينا كل ما يخلف ولد يموت، اتفق هو ومراته إذا جالهم ولد يسموه مبروك
يوم ما ولدت مراته، طلعت الممرضة، بيسألها، ها؟ إيه اللي حصل؟
قالت له: ألف مبروك يا حاج
رد قال: يا بووووي .... هأصرف عليهم منين دول كلهم؟
*
واحد بلدينا ماشي ع الرصيف
شاف واحد سأله: هو فين الرصيف الثاني؟
رد عليه: الناحية الثانية
بلدينا قال: حاجة تدوخ!! ... والله أنا سألت الناحية الثانية قالو لي هنا!!
*
واحد بلدينا عايز يعمل عملية انتحارية، قام دخل مطعم وضرب نفسه بسكين
تلاتة زباين ماتوا من الضحك!!!
*
تلميذين من بلدياتنا وصلوا المدرسة متأخرين
سأل الأستاذ واحد منهم كان بيعيط قوي: إيه اللي جابك متأخر كدة
قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره
فسأل الثاني: طيب وإنت بقى كنت بتدور معاه برضه؟
قال: لا يا أستاذ، أنا كنت دايس ع الشلن برجلي !!
*
تسعة بلدياتنا حبوا يبقوا مشهورين، كونوا فرقة وسموا نفسهم ثلاثي أضواء المسرح
*
واحد في مأتم واحد بلدينا مات امبارح، بيسأل، هو بلدينا مات بإيه؟
رد عليه اللي جنبه: حط إيده في برميل مية نار
قال له: طيب وهو اللي يحط إيده في برميل مية نار يموت؟
قال له: لأ، ماهو لما مالاقاش إيده ... دخل راسه في البرميل عشان يدور عليها!!
*
بيقولك ليه بلدينا بيكون ذكي لما يطلع من الصعيد؟
علشان بيكون خارج نطاق التغطية
*
بلدينا من سوهاج سمع في النشرة إن فيه عاصفة جاية على سوهاج، كتب على
مدخل المدينة: مرحبا بك في أسيوط
*
واحد بلدينا اتصل بالمطافي وقال لهم: إيه؟ هو يعني لو مافيش حريق
مانشوفكمش خالص كدا؟
*
واحد بلدينا بيقول لواحد ثاني: عيني اليمين واجعاني قوي يابوي وكل
ماافتحها أشوف نقط سودا
قال له: طيب شفت دكتور عيون ؟
قال له: يا بني آدم باقول لك شفت نقط سودا
*
واحد ياباني شغال في مشروع في قبلي، قام فات على بقالة عشان عايز يشتري
عشر علب بيبسي،
قال لبلادينا: كوميهاني سيبة موفا كالاو بيبسي
بلدينا رد عليه: بتقول إيه؟ عايز عشر علب إيه؟
*
بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟
*
بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها
*
واحد صحفي بيسأل بلدينا: نسبة البطالة عندكم قد إيه؟
بلادينا : والله الصعيد كله أبطال.
*
إيه اللي بيكون مكتوب داخل أحذية بلدياتنا؟
ورقة مكتوب عليها: أدخل الأصابع أولا
*
مرة واحدة بتجرى على خمسة ايتام .........اتكعبلت
*
من خرج من داره ####مينساش يأخد المفتاح معاه
*
العيار اللى ما يصبش#### يبقى إلى ضربه احول
*
يا واخد القرد على ماله #### بكره يروح القرد وتقعد لنا إنت بداله "
*
اتنين كفار ماشيين واحد قال بسم الله رد التانى قالة يا حبيبى احنا كفار قال اة نسيت استغفر الله العظيم
*
واحد عصبي بقول لمرته: عايز احكيلك قصة غريبة حصلت معايا النهارده بس مش هتصديقها من كثر ما هي غريبة..وهتقولي عني كذاب بس انا مش كذاب..انت الكذابة وعيلتك الكذابة يا وقحة.. يللي معندكيش دم ..
روحي انتي طالق!!!!
*
واحد اتصل بمراته قالها يلا قومي حضرى المية السخنة على ما اجى..... صاحبه قاله انت حمش اوى .. قاله :امال يعني هغسل المواعين ب مية باردة؟
*
مرة عروسة كانت بتجرى يوم فرحها ... سألوها بتجرى لييه ؟؟ قالت علشان ألحق كرسي
*
مرة واحدة وقفت تاكسى بتسألة نادى الشباب لو سمحت قلها متناديهم انت
*
مرة واحد يابانى خبط فى واحد قالوا سونى
مدرس لغه عربيه اعد على قهوه وقال للاهوجى: اعطنى فنجان قهوة مظبوط وبين سبب الظبط
*
محشش لقي كنز قال:كويس مش فاضل غير الخريطه!
*
ازاى نصطاد الفيل الازرق!!!!!!!؟؟
بالسهم الازرق
طب ازاى نصطاد الفيل الاحمر !!!!!!!؟؟
ننزل فيه ضرب لغاية ما يزرق و نصطادة بالسهم الازرق.....
طب ازاى بقة نصطاد الفيل الابيض !!!!!؟؟
نحطة في موقف محرج يقوم يحمر من الخجل نقوم نزلين فيه ضرب احد ما يزرق و نصطاده بالسهم الازرق
*
التلميذ : بحبك يا ميس و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد
*
واحد بيقول لخطيبته أنا عاوز أقولك إني مش عندي سيارة ولا يخت ولا عمارة زي محمود صاحبي بس عاوز أقولك إني بحبك قالتله وأنا كمان بحبك بس كلمني اكتر عن محمود
*
ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد
وقال: اللهم احفظناانا عمرى ما شفت عيل وحش كدة، غطيه يا ست حرام عليكى!
الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟
الكمسارى ده ماعندوش دم، قل أدبه علي وانا خفت أرد عليه
تخافى تردى ليه؟ الاتوبيس ما فيهوش رجالة؟ردى عليه ولو فتح بقه بكلمة نخرشمه
عندك حق، أنا حأروح أبهدل كرامته
عداكى العيب، شايلينى النسناس بتاعك بقى علشان تعرفى تتخانقى براحتك
*
مسطول صدم شرطي وموته فاتصل ب122 وقالهم :انا احب ابلغكم انكم بقيتو 121
