طريقة منزلية لعمل الفسيخ

المقادير

3 سمكات بورى ( حوالى 1 ك )

1\2 علبة ملح

أكياس خاصة بالثلاجة

الطريقة

1- يغسل السمك جيدا بالماء الجارى و خصوصا الخياشيم .... ثم يتركو فى المصفاة لتصفية المياه منهم جيدا ..ثم نتركهم على ورق مطبخ لتمام الجفاف

2- أحضر كيس ثلاجة كبير ، ضعى فيه القليل من الملح ، ثم امسكى كل سمكة على حدى داخل الكيس و تملىء الخياشيم ملح و تكرر هذه العملية مع باقى السمك و نلاحظ هنا ان اى ملح سيقع سيكون داخل الكيس

3- ثم يتم رص السمك مع بعضه داخل الكيس و يرش عليهم باقى الملح من الخارج

4- يتم لفهم جيدا بحيث يخرج الهواء من الكيس ، و بعد تربيطهم جيدا تضعى كيس داخل كيس داخل الاخر و تلفيهم بسوليتيب او استيك ، ثم تضعيهم فى صينية حرفها عالى او علبة ، و تركنيهم فى مكان دافىء غير معرض لتيار هواء مثل في فرن البوتاجاز فكل ما كان الجو حر يبقي احسن ويستوي بسرعة

5- الوقت اللازم لعمل الفسيخ يختلف حسب الملوحة المطلوبة :
لو بتحبيه في اول درجات الحادق يبقي بعد 4 ايام
لو بتحبيه حادق وسط يبقي اسبوع
لو بتحبيه حادق جدا يبقي انسيه زي ما انتي عايزة اسبوعين لحد شهر وابقي من البداية زودي الملح شويه

وبالف هنا وصحه وعافيه

أعدته لكم \ مــــــــــــــــروة

مقالات ذات صلة